Uski Hasrat Hai Jise Dil Se Mita Bhi Na Sakoon,
Dhoondne Usko Chala Hoon Jise Paa Bhi Na Sakoon.
Meharbaan Hoke Bula Lo Mujhe Chaaho Jis Waqt,
Main Gaya Waqt Naheen Hoon Ke Fir Aa Bhi Na Sakoon.
Daal Kar Khaak Mere Khoon Pe Qaatil Nikaah,
Kuch Ye Mehndi Naheen Meri Ke Chupaa Bhi Na Sakoon.
Zauf Mein Taana-e-Agiyaar Ka Shikwaa Kya Hai,
Baat Kuch Sar To Naheen Hai Ke Utha Bhi Na Sakoon.
Zabt Kambakht Ne Aur Aake Gala Ghonta Hai,
Ke Usey Haal Suna'oon To Suna Bhi Na Sakoon.
Zaher Milta Hee Nahin Mujhko Sitamgar Warna,
Kya Kasam Hai Tere Milne Ki Ke Khaa Bhi Na Sakoon.
Uske Pehloo Mein Jo Le Jaake Sulaa Doon Dil Ko,
Neend Aisi Usey Aaye Ke Jagaa Bhi Na Sakoon.
Subscribe to:
Post Comments (Atom)
No comments:
Post a Comment